منتديات MBC3

منتديات MBC3 (http://mbc3forum.mbc.net/index.php)
-   منتدى أفلام Mbc3 (http://mbc3forum.mbc.net/forumdisplay.php?f=26)
-   -   زعـبـلـة والقـلـة (http://mbc3forum.mbc.net/showthread.php?t=507386)

egymix 09-25-2012 01:40 AM

زعـبـلـة والقـلـة
 
*---زعبلة والقلة---*


كان يا مكان يا سعد يا اكرام ما يحلى الكلام الا بذكر النبي عليه الصلاة والسلام..هكذا بدأت الام تحكي لابنتها الصغيرة الحكاية


كان في ولد صغير اسمه(زعبله)..زعبله كان ولد فقير غلبان عايش هو ومامته بعد ما ابوه مات,وكان ابوه بيصنع الفخار..فازات..طواجن..قلل..وحاجات جميلة..ولكن لما مات كان والد زعبله مديون واضطروا يبيعوا حجات كتير عشان يسدوا ديون ابوه..ومكنش فاضل حاجة فخار من صنع ابوه غير قلة بيشربوا منها..وكانت كل يوم الام تقول لابنها:روح يا زعبله املا القلة..بس لازم تلبس جزمتك عشان متتزحلقش والقلة تقع..ومتتشقاش وانت ماشي..وكان يقولها حاضر يا ماما..وكل يوم يروح زعبله يملا القلة من النهر ويخليها في البيت بيشرب منها هو وامه..وفي يوم من الايام وزعبله واخد القلة يملاها قابله راجل اعور في الشارع وبرجل واحدة وماشي بعكاز..وقاله الراجل:ازيك يا زعبله عامل ايه؟؟..راح زعبله قاله:انا كويس يا عم انت عايز مني حاجة؟؟ راح قاله الراجل العجوز:انا كل يوم بشوفك يا عيني تروح النهر بالقلة تملاها ومحدش بيشلها معاك ..راح قاله زعبله:انا وحيد امي ولازم اروح املاها عشان اشرب انا وامي..راح العجوز قاله:انا هساعدك واشيل عنك القلة عشان انت ولد كويس وشاطر ..فرح زعبله اوي واده القلة المليانة للراجل العجوز..وشالها عنه واديه بترتعش خالص و ماشي على رجل واحده بعكازه
راح زعبله قال لمامته علي حصل مع الراجل العجوز..راحت مامته مزعقاله وقالتله:انا زعلانة منك يا زعبله انت ازاي تعمل كده؟؟ايه مش عارف تشيل القلة؟؟ا وده راجل عاجز ممكن تقع منه وتتكسر ودي اخر حاجة من ريحة ابوك وهي الي بنشرب منها..اما زعبله لقى مامته زعلت وعدها وقالها:خلاص يا ماما متزعليش حقك عليا مش هعمل كدة تاني.


في يوم راح زعبله زي كل يوم يملا القلة..وهو رايح كان الجو حر..قال لنفسه النهر قريب والجو حر انا مش عايز البس الجزمة هملا القلة واجي بسرعة..راح زعبلة يملا القلة وهو راجع لقى الراجل العجوز..قاله:ازيك يا زعبله..عامل ايه؟؟ راح زعبله قاله:انا بخير يا عم عايز حاجة مني؟؟ قاله:انا جيت عشان اشيل عنك القلة..افتكر زعبله كلام مامته اما زعقتله وقالتله اوعى يخلي الراجل العاجز يشيل القلة..ولكن زعبلة اتكسف يقول للراجل انه عاجز و ميقدرش يشيل القلة..وقال زعبله لنفسه:انا يعني هقوله انت عاجز لا حرام..وبعدين هي اخر مرة يساعدني في شيل القلة..راح العجوز اخد من زعبله القلة وراح يوصله بيها..ولاجل حظ زعبله الراجل مستحملش تقل القلة فوقعت من ايده..ولأن زعبلة مكنش لابس الجزمة اتزحلق وملحقش يمسك القلة
ووقعت اتكسرت!!!!
هكذا انتهت امي من سرد حكاية زعبلةوالقلة..فاتحايل عليها قائلة:ونبي يا ماما كملي حصل ايه بعد كده...تضحك امي بعذوبة قائلة:اكمل ايه يا سمورة ما زعبلة كسر القلة خلاص..فأجيب بحزن:لا يا ماما زعبله غلبان مش كسرها الراجل العجوز الوحش هو الي وقعها كسرها..تضحك امي وتمسح على شعري وتلثم جبهتي بشفتيها الرطبة وتغلق النور لانام..وابقى وحيدة انظر في الظلام اتسائل ما هو ذنب زعبله الحقيقي.......لا اعلم لماذا لا تستطيع ذاكرتي نسيان تلك الحكاية التي كانت تحكيها لي امي,واقسم لا اعلم لماذا حتى اليوم كانت امي تصر ان تحكيها لي يوميا بجانب قصة جديدة..ولا اعلم لماذا جلست امي العجوز امس تحكيها لي بعد اربعة عشر عاما..اجبتها امس:يا لهوي يا ماما لسة فاكرة الحكاية دي!!! فقالت امي العجوز:يا شيخة انا صمتها من كتر ما كنت بحكيها...وسألت امي بحذر:الا قوليلي يا ماما هو زعبله ذنبه ايه بس؟؟؟ ضحكت امي قائلة:برده يا سمر
اربعتاشر سنة بتفكري في السؤال ده!!! فضحكت لها:ايوة اربعتاشر سنة مفيش اجابة...سكتت امي ونظرت لي نظرة غريبة قائلة:وانتي ليه يا سمورة بتقولي ايه ذنب زعبله؟؟مفكرتيش تقولي ايه ذنب القلة؟؟؟؟...صمت لبرهة وقلتلها:ايه ده بقى اللغبظة دي؟؟!!! طيب يا ستي ايه ذنب القلة؟؟ضحكت امي قائلة:لا فكري بقى..وقبل ان تخرج من الحجرة نظرت لي بعيناها العسليتان...ان غلب حمارك روحي اسألي زعبله..ما اصل القلة اتكسرت خلاص!! اعتقدت ان امي تعابثني..فأخذت بملل(الريموت كنترول) لاتنقل بين قناة واخرى..والقصة تدور في رأسي بشكل صاخب...كانت نشرة اخبار التاسعة امام عيني..والاخبار تسرد لتمتزج مع قصة زعبله...وفجأة ضحكت...ضحكت حتى شرقت...ضحكت حتى ادمعت عيني...ضحكت حتى كانت روحي ان تخرج من جسدي...ضحكت ويا ويلي من ضحكي...

سؤال:هل تعرفون الان في زمننا(الاسود) من زعبلة؟؟

اردنية نشمية 09-29-2012 12:21 PM

شكررررا عالموضوع

رهف حسن الزيود 10-01-2012 05:19 PM

اسمعوا هي مش كثير حلوة بس يلى بنمشيها

wael kamal 10-01-2012 10:24 PM


حلا ماهر 11-26-2012 04:59 PM

انا ما فهمت القصة

اشور 01-24-2013 01:26 PM

جميلة القصة

sadeen alkhresha 01-28-2013 02:34 PM

ميت هدووول هههههههههههههههههههههههه؟؟؟

sadeen alkhresha 01-28-2013 02:36 PM

مين هدووووول ؟؟؟

هههههههههههههههههههههههههههه ** ^^

Rodaina 03-26-2013 01:00 AM

هههههههههههههههههه

Omar aliraqi 04-12-2013 08:34 PM

هههههههههههههههههههههههههههههههههههههههههههههههههه ههههههههههههههههههخ


جميع الأوقات بتوقيت GMT +3. الساعة الآن 09:11 PM.

Powered by vBulletin Version 3.6.8 Copyright ©2000 - 2018, Jelsoft Enterprises Ltd.